Aksioni i parë me të cilin do të vihet në provë drejtori i ri i AKU-së, Agim Ismaili është mbyllja e pikave të therrjeve të kafshëve të cilat edhe pse nuk kanë plotësuar standardet janë licencuar nga AKU deri sot.
Brenda 100 ditësh këto do të mbyllen.
“Në rast se zbulohet një falsifikim apo thertore e paautorizuar, do shkojmë dhe do ti gjejmë kush është burimi dhe do të ketë ndëshkim. Më shumë se gjysma e thertoreve apo pikave të therjes nuk plotesojne standardet. Nga nesër do të nisim rikontrollin përmes një check liste që do të mbushet nga inspektorët. Ato pika therrje që janë dhoma të vogla 4 me 4 dhe që ka vetëm një çengel të varur dhe që ju dini si e keni autorizuar sado ti mbështesim nuk mund ti kthejmë në thertore standardi dhe do të mbyllen me urgjencë.
Therjet informale do të mbyllen me urgjencë brenda planit 100 ditor”, deklaroi Peleshi.
Gjithashtu nuk do të ketë asnjë therje në rrugë.
Deklarata u bë gjatë prezantimit të kreut të ri të AKU, Agim Ismaili.
a.ç
