Bëhet publike fotoja e Redion Kuqit, një nga të arrestuarit nga aksioni antidrogë në Tiranë.
21-vjeçari ishte pronari i magazinës ku të rinjtë kryenin aktivitetin kriminal- atë të shitjes së drogës.
Në një magazinë në rrugën “Myslym Keta” e cila përdorej prodhimin e paletave të drurit, ishte kthyer në një magazinë ku përgatitej drogë për shitje.
Gjatë operacionit policor të Komisariatit nr. 4, ranë në pranga pesë persona mes tyre edhe një vajzë. Ndërkohë nga kontrollet e kryera në magazinë blutë gjetën një valixhe me 9 kilogram lëndë narkotike, të dyshuar kanabis sativa – të ndarë në pako dhe një armë zjarri pistoletë.
Sasia e drogës e ambalazhuar brenda valixhes, dyshohet se është marrë nga një grup kriminal nga Sukthi dhe është sjellë në Tiranë – në magazinën në pronësi të Redion Kuqit, nga Xhoi Zina 25 vjeç në bashkëpunim me të fejuarën e tij 22-vjeçare, Angjelina Koçi, me një automjet tip “Toyota Yaris”. Lëndën narkotike e ruante Erdi Gjiriti, i cili gjithashtu e shoqëronte çiftin teksa transportonin drogën me makinë.
