Policia e Shtetit vijon operacionet anti-cannabis në të gjithë vendin.
Rreth 250 forca policore po vijojnë kontrollet mbi bazën e informacioneve policore dhe operative që disponon Policia për evidentimin dhe goditjen e vendmagazinimeve të bimëve narkotike.
Sekuestrohen drogë, armë e municione. Disa persona të arrestuar.
Forcat Policore të Drejtorisë Vendore Lezhë po vijojnë operacionin në Mamurras ku deri tani ka 7 persona të shoqëruar.
Është evidentuar një magazinë që shërbente për tharje të bimëve narkotike.
Janë sekuestruar mbi 700 kg lëndë narkotike deri në këto momente.
Janë sekuestruar 1 kallashnikov, grantë dore e municion luftarak.
Vijon operacioni ende me kontrolle banesash, shoqërime personash e sekuestrim të lëndëve narkotike.
Operacion po zhvillohet dhe në Shkodër.
Drejtoria e Përgjithshme për Sigurinë Publike në bashkëpunim me Forcat Policore të Drejtorisë Vendore të Policisë Shkodër kanë asgjësuar 6.555 bimë narkotike në proces tharje në territorin e njësisë Administrative Pult.
Po vijon puna për kapjen e autorëve.
Operacionet po vijojnë./a.m.
