Ministria e Punëve të Brendshme në Maqedoni në orët e hershme të mëngjesit të sotëm ka ndërmarrë një operacion të gjërë të arrestimeve në disa qytete të vendit të personave të dyshuar si pjesëmarrës në luftërat në Siri dhe Irak.
Siç bëhet e ditur arrestimet janë kryer në lagjet Serovë, Gazi Babë, Dizhon dhe zona të tjera të Shkupit, si dhe në Kumanovë, Strugë dhe Gostivar.
MPB deri tani nuk ka dhënë asnjë detaj mbi aksionin, ndërsa mësohet për dhjetëra persona të arrestuar,si të dyshuar si pjesëmarrës në radhët e xhihadistëve të ISIS në Siri dhe Irak, por edhe persona që dyshohet si inspirues dhe organizatorë.
Televizioni Alsat-M bëri të ditur se në mesin e të arrestuarve është edhe Rexhep Memishi Imam dhe ligjerues në Xhaminë Tutunsuz në Gazi babë dhe Jahja Pashë. Pritet që MPB të informojë mbi këtë operacion të gjërë dhe personat e arrestuar. Operacione të tilla kohë më parë u ndërmorrën në Kosovë, Bosnjë – Hercegovinë, Shqipëri dhe vendet e tjera.
