Një kalimtar i rastit është aksidentuar nga një automjet mesditën e kësaj të shtune.
Policia bën me dije se ngjarja ka ndodhur në lagjen nr.7 në Durrës.
I plagosuri rreth 70 vjeç ka përfunduar në spital.
Njoftimi:
Më datë 02.01.2021, në orën 13:50, në lagjen nr.7, Durrës, shtetasi L. Sh., 27 vjeç, duke drejtuar mjetin tip “Benz”, ka aksidentuar shtetasin këmbësor ende të pa identifikuar, rreth 70 vjeç, i cili është dërguar në spital nën kujdesin e mjekëve.
Drejtuesi i mjetit është shoqëruar në ambientet e Policisë për veprime të mëtejshme. Grupi hetimor dhe shërbimet e Policisë ndodhen në vendngjarje dhe po punojnë për zbardhjen e ngjarjes.
g.kosovari
