Një familje shqiptare është përfshirë në një aksident rrugor në New York të SHBA-së ku për pasojë ka gjetur vdekjen vajza e tyre 2 vjeçare. Lajmi bëhet i ditur nga mediat amerikane sipas të cilave, në aksidentin rrugor ku janë përfshirë 4 automjete, krahas të miturës shqiptare, kanë humbur jetën edhe 2 persona të tjerë.
Sipas mediave britanike, drejtuesi i automjetit tip BMW, 33-vjeçari Nerim Simanoviç është përplasur në anësoret e rrugës, duke goditur dy automjete të tjera. Për pasojë viktimë e këtij aksidenti të rëndë ka mbetur 2-vjeçarja shqiptare Leona, ndërsa gruaja e tij Blerta 22-vjeç dhe vajza tjetër 1-vjeç Lira kanë mbetur të plagosura dhe po trajtohen në Qendrën Mjekësore në Ëestchester.
Simanoviç me automjetin e tij ka goditur një automjet të tipit Toyota, duke lënë të vdekur 61-vjeçaren Ledell Mulvaney dhe vajzën e saj 31-vjeçare Katherine Mulvaney. Ato u transportuan në Ëestchester por nuk arritën t’i shpëtojnë vdekjes.
