Një familje shqiptare është përfshirë në një aksident të rëndë në ishullin Naxos në Greqi, ku për pasojë ka ndërruar jetë nëna e tre fëmijëve. Ngjarja ndodhi rreth orës 01.30 të së dielës.
Mësohet se gruaja ishte e ulur në sediljen e parë të pasagjerit, ndërsa të tre fëmijët, dy vajza të mitura dhe djali pak më i rritur, ishin ulur pas. Raportohet se nga aksidenti, më rëndë janë babai dhe një prej vajzave.
Sipas të dhënave të para, familja në mbrëmje ishte në restorant duke darkuar. Dyshohet se shqiptari drejtonte makinën me shumë shpejtësi, ndërsa kaloi në anën tjetër të rrugës dhe u përplas me pasojë shkatërrimin e mjetit që pasoi plagosjen e familjes.
Zjarrfikësja deklaroi se aksidenti ishte i rëndë dhe familja ishte e izoluar mes hekurave të makinës. Familja jeton prej shumë vitesh në ishull ku ka një biznes, ndërsa gëzon respektin e banorëve të zonës.
/a.r
