Makina e deputetit socialist Ben Blushi, me targa “TR 0611 L” është aksidentuar mesditën e sotme në aksin nacional Pogradec- Qafë Thanë.
Burime nga policia i thanë citynews.al se aksidenti ka ndodhur pranë fshatit Lin në Pogradec. Në makinën e tipit “Touareg” nuk ka qenë deputeti Ben Blushi, por ajo drejtohej nga shtetasi S.M.
Makina e deputetit socialist është përplasur me një makinë tjetër tip “Skoda” me targa BT2352AC të marrë përkohësisht në përdorim nga shtetasja holandeze E.K. Nga aksidenti nuk ka pasur të lënduar në njerëz, përveç dëmeve materiale.
Specialistët e policisë rrugore kanë shkuar në vendngjarje dhe po kryejnë matjet për të zbardhur shkaqet e aksidentit./a.m.
