Pas aksidentit të regjistruar pasditen e së mërkurës në lagjen “5 Maji” ku një mjet përplasi një fëmijë 4 vjeç teksa po kalonte rrugën, komuniteti i asaj lagjeje u ngrit sot në protestë.
Të shqetësuar për jetën e fëmijëve, por jo vetëm, banorët kërkuan ndërhyrje në infrastrukturë dhe sinjalistikën rrugore. Fakti që aty pranë ndodhet Drejtoria Rajonale e Transportit Rrugor bën që të jetë një rrugë me lëvizje intensive.
Sipas banorëve vendosjen e policëve të shtrirë në rrugë e kanë kërkuar disa herë, por asnjë masë nuk është nga pushteti vendor, për të cilën thonë se kujtohet për ta vetëm në kohë fushate.
4-vjeçari i aksidentuar një ditë më parë është transportuar për kurim të specializuar në spitalin e Traumës në Tiranë.
/s.f
