Një aksident i rëndë u regjistrua rreth orës 14:20 në lagjen nr.15 të qytetit të Durrësit këtë të diel, ku 57-vjeçari Nikoll Radaçi, i cili ishte duke lëvizur me shpejtësi të lartë me mjetin e tij, përplasi tre të miturit të cilët ishin duke luajtur në lagjen e tyre.
Dështimtarët në momentin e përplasjes fatale kanë dhënë detaje në lidhje me aksidentin tragjik. Një dëshmitar tha sa kishte kaluar me familjen e tij në vendngjarje, pak momente para se të ndodhte aksidenti i rëndë.
Po ashtu, ai tha se sa kaluar makinë, kjo e fundit përplasi tre të miturit dhe më pas kanë dalë njerëz duke ulëritur. Më tej, dëshmitari shtoi theksoi se kjo ngjarje ka tronditur zonën, dhe se kanë frikë që te dalin nga banesa.
“E frikshme. Sa kalova me familjet atje unë. Unë rri matanë me qira, do vija te njerëzit e nuses. Sa kalova para makinës, vetëm kur ja bëri bam ktej. Dolën njerëzit po ulërinin. S’ka më keq, ke frikë të dalësh nga shtëpia”, tha një prej banorëve të lagjes.
Ndërsda një tjetër dëshmitar tha se fëmijët në momentin e aksidentin ishin të ulur dhe se makina i ka marrë zvarrë për disa metra.
“Ngjarje më të rëndë s’kemi parë. Unë isha ulur në kafe. Fëmijët ishin ulur, imagjino nga goma atje, i ka çuar, i ka plasur atje. Situatë më të keqe s’kemi parë. Veç kam parë kur ka kërcit, që i ka marrë zvarrë. Shoferët ecin shumë shpejtë në këtë rrugë. Disa janë edhe të lagjes, pa patenta, por ecin kokërr plumbi”, deklaroi banorja.
Po ashtu një tjetër banore e zonës tha se dy prej fëmijëve të aksidentuar, janë kushërinj të parë me njëri-tjetrin.
“Si të tërbuar ecin njerëzit këtu në rrugë. Po bëhet rruga këtu gjak dynjaja përditë e përnatë. Njëri është komshi këtu, tjetri komshi këtu. Të lagjes i kemi, i kemi rritur, ju dhemb mishi, të vegjël. Dy ishin çun halle, çun daje. Këtë këtu jo, e kemi komshi thjeshtë. Njëri është në Tiranë, 2 kanë vdekur, i katërti ka shpëtuar thonë. Të vihet rregull”, deklaroi ajo.
