Një aksident rrugor ka rezultuar fatal për një 46-vjeçar shqiptar në Greqi. Mediat lokale raportojnë se shqiptari, identiteti i të cilit nuk bëhet ende i ditur, ka humbur kontrollin e mjetit me të cilin udhëtonte.
Makina e bardhë tip “Suzuki” me të cilën lëvizte 46-vjeçari shqiptar, baba i tre fëmijëve, ka dalë nga rruga në kilometrin e 50-të të rrugës PEO Lamia – Larissa, rreth orës 20:00 të së dielës shkruan BW. Menjëherë, drejtuesit e tjerë të mjeteve, të cilët kanë parë edhe ngjarjen, kanë tentuar t’i vijnë në ndihmë, por 46-vjeçari nuk mundi të mbijetonte.
Sakaq, policia ka nisur hetimet për shkaqet dhe rrethanat e aksidentit.
