Dy persona kanë humbur jetën dhe tre të tjerë janë plagosur mëngjesin e sotëm, si pasojë e një aksidenti. Ngjarja ka ndodhur në aksin rrugor Lezhë-Tiranë.
Sipas policisë, dy makina janë përplasur rreth orës 05:00 në Fushë-Milot dhe për pasojë kanë humbur jetën dy persona.
Nga informacionet e para, bëhet e ditur se automjetet e përfshira në aksident janë një “Benz” me targa “TR0143M”, me të cilin udhëtonin dy persona dhe një tjetër “Benz” me targa “LA9785A”, që drejtohej nga shtetasi me inicialet B. M., i cili udhëtonte bashkë me nënën dhe bashkëshorten e tij.
Sipas policisë, viktimat udhëtonin me mjetin me targa “TR0143M”, por identiteti i tyre nuk bëhet ende i ditur. Ndërkohë tre të plagosurit janë dërguar menjëherë në spital.
Policia ka njoftuar se momentalisht mbeten ende të paqarta shkaqet e aksidentit, ndërsa po vijon punën për zbardhjen e ngjarjes.
