Ditën e djeshme deputeti i PS-së Pjerin Ndreu bëri një aksident rrugor në Pukë. Më pas vetë deputeti përmes një postimi në rrjetin social ka sqaruar ngjarjen, duke thënë se faji ishte i tij.
“Jeta është dinamike. Ka të mirat e të këqijat e saj. Ne jemi aktorë seriozë por dhe që i bindemi ligjeve të natyrës, fatit apo vullnetit të zotit. Kur ke faj ti, rri e qëndro. Unë isha fajtor në një përplasje makinash në Rrapë të Pukës që falë zotit shkoi pa pasoja në njerëz. Qytetari që u përplas me mua nuk kishte asnjë faj. Policët ishin me stres, por unë ju thashë se faji është i imi dhe të mos abuzojë askush me të drejtën e zotit. Unë pagova gjobën për shkeljen. Mund edhe t’i shmangesha fajit. Por nuk kisha kurajo të penalizoja një të pambrojtur sepse isha fajtor! I falënderoj të gjithë ato që mu gjenden pranë duke më kujtu për të një mijtën herë se nuk jam vetëm dhe se miqtë, shokët, kushërinjtë e familja janë oksigjeni ku unë gjej forcë e më duket vetja asgjë para tyre!”, shkruan Ndreu.
