Policia e Sarandës tha se drejtuesi i nje biciklete rezultoi i dehur pas nje aksidenti ne zonen e Qafe Gjashtes.
Burimet zyrtare bene me dije se sot më datë 03.08.2017 rreth orës 15:00, në sallën operative të Komisariatit të Policisë Sarandë, ka ardhur një telefonatë se në fshatin Metoq në Qaf Gjashtë, Sarandë, ka ndodhur një aksident.
“Menjëherë kanë shkuar shërbimet e Policisë Rrugore ku ka rezultuar se: Një shtetas i cili po udhëtonte me biçikletë është përplasur me një automjetin tip ”Furgon”, i cili drejtohej nga shtetasi E.B., 29 vjeç, banues në Elbasan”, tha policia.
Sipas saj, nga verifikimet paraprake shtetasi V.B., i cili udhëtonte me biçikletë ka rezultuar në gjendje të dehur.
“Menjëherë është transportuar në Spitalin e Sarandës për të marrë mjekimin e nevojshëm dhe ndodhet jashtë rrezikut për jetën.
Grupi hetimor po kryen veprimet në vendngjarje për zbardhjen e plotë të rrethanave të aksidentit”, thuhet ne deklarate.
a.ç
