Një aksident me vdekje është shënuar pasditen e kësaj të marte në Bulevardin e Ri në Yzberisht.
Nga përplasja e dy automjeteve dhe një motori, ka ndërruar jetë drejtuesi i motorit, Fatmir Avdillari, i njohur ndryshe si “Xubi i Yzberishtit”.
Ai ka qenë i akuzuar për disa vrasje të bujshme në Tiranë, si dhe për trafik droge.
45-vjeçari ka qenë i dënuar për vrasjen e biznesmenit italian, Stefano Rossi, ndërsa ka qenë edhe pjesë e bandës së Yzberishtit në vitet 97′ e 98′.
Në vitin 2009, fill një vit pasi doli nga burgu, Avdillari ekzekutoi Ardian Tahirin. Ky i fundit u vra me një plumb në kokë në rrugën “Irfan Tomini”, në Tiranë. Në atë kohë “Xubi” pranoi në gjykatë krimin dhe deklaroi se Tahirin e kishte ndjekur prej një jave./ b.h
