Pas 6 ditësh nga aksidenti tragjik, përplasja ka rezultuar për njëri prej të rinjve, që sot është përcjellë në banesën e fundit. Bëhet fjalë për të riun Ervin Kalia, një 25-vjeçar i cili po udhëtonte në motorin që u përplas me furgonin në rrugën e Cermave, afër Proshkut.
Foto nga vendi i ngjarjes dhe viktima, Ervin Kalia
Braçe rrëfen se ka qenë ai vetë një nga personat që e ka nxjerrë nga morgu dhe e ka përcjellë në banesën e fundit, ku ka parë me sytë dhimbjen e madhe që kanë përjetuar të afërmit e të 25-vjeçarit. Prandaj, ai iu drejtohet me një mesazh të rinjve, që të kenë kujdes në rrugë.
“Ervin Kalia ishte një super djalë. Nga Cerma e Sipërme! Vetëm 25 vjec, 25 vjec! Ta nxirrja sot nga morgu pas një jave lufte për jetën prej tij e mjekëve në spital, ishte shumë shumë e dhimbshme! Të takoja babain e tij, të afërmit, shokët që e prisnin aty për ta përcjellë për here të fundit në shtëpine e tij në Cermë, ishte akoma dhe me e dhimbshme; Ju ishte këputur një pjese shpirti! Por jeta kështu qenka! Tani duhet ta përballojmë!
Kam një lutje për cdo djalë të ri, kudo në Divjake e më tej; Kujdes në rrugë! Pak shpejtësi më shumë nuk u con me shpejt atje ku doni të shkoni! Pak kujdes më shumë ju mbron jetën, shëndetin! Çdo përdoruesi të rruge dua t’i kërkoj më forcë të zbatojë rregullat e qarkullimit, kaq! Ervin gjej prehje vëlla me Zotin pranë! Babës, nënës e motrës, të afërmve e shokëve të tu, Zoti t’u japë forcë të perballojne këtë dhimbje pa fund”, shkruan Braçe.
Shqiptarja.com
