Një 28-vjeçar është arrestuar për aksidentin e ndodhur mbrëmjen e kaluar në aksin rrugor Korçë-Gramsh, ku humbën jetën dy persona dhe u plagosën 7 të tjerë.
Automjeti tip “Fuoristradë” drejtohej nga 28-vjeçari i identifikuar si Mikel Gjeli.
Ai humbi kontrollin e mjetit teksa po transportonte 9 shtetas në mënyrë të paligjshme. Dyshohet se të gjithë ishin sirianë, por ende nuk është konfirmuar nga policia.
Mbi Mikel Gjelin rëndojnë akuzat “Shkelja e rregullave të qarkullimit rrugor me pasojë vdekjen dhe plagosjen e disa personave”dhe “Ndihma për kalim të paligjshëm të kufijve , me pasojë vdekjen dhe plagosjen e disa personave”, ku parashikohet dënimi nga 15 vjet deri në burgim të përjetshëm.
Materialet hetimore i kaluan Prokurorisë së Elbasanit për veprime të mëtejshme.
/a.r
