Një aksident në punë të hënën pasdite i ka shkaktuar vdekjen një 40 vjeçari shqiptar, pasi disa ditësh agoni në spital.
Ngjarja ndodhi në një kompani ëmbëlsirash në Treviglio të Italisë, duke i marrë jetën shqiptarit Arjan Cekani. Ai u plagos rëndë në krah duke punuar tek makineria e brumatriçes.
Ai kishte tentuar të zhbllokonte makinerinë e punës me të cilën punonte, por krahu i tij u kap në ingranazh dhe u thith nga makineria. Ngjante si skena e një filmi horror ajo që u shfaq para syve të forcave ndërhyrjes së shpejtë, të cilët ndërhynë në firmën e pastiçerisë “Piuma d’Oro”.
Gruaja e tij u bë dëshmitare kur ndodhi aksidenti i rëndë dhe humbi ndjenjat kur pa bashkëshortin të plagosur rëndë. Në vend shkuan menjëherë të lajmëruar nga punonjësit e tjerë, urgjenca e spitalit të Treviglios, një helikopter nga Bergamo, zjarrfikësit, teknikë dhe agjentë të Komisartiatit të Policisë së Treviglios.
Rasti u konsiderua kritik nga mjekët e kujdesit intensiv që prej së hënës në mëngjes kur ndodhi incidenti. Pas kësaj, 40 vjeçari shqiptar iu nënshtrua një operacioni delikat në krahun e djathtë. Situata u bë më dramatike, pasi burri kishte pasur edhe arrest kardiak gjatë fazës së shpëtimit.
Burri la pas gruan dhe dy fëmijët. Arjani kishte shkuar në Itali 20 vjet më parë, një jetë e mbushur me sakrifica për t’i dhënë familjes një të ardhme më të mirë.
/a.rada
