Një person, identiteti i të cilit ende nuk dihet, ka humbur jetën në një aksident rrugor të ndodhur këtë pasdite pranë fshatit Nikël, në aksin Fushë-Krujë – Tiranë.
Në aksidentin tragjik mësohet se janë përfshirë tre automjete, ku fatkeqësisht, njëri nga personat, ka gjetur vdekjen.
Sipas dëshmitarëve në vendngjarje për JOQ.al, një automjet ngjyrë gri ka dalë nga rruga dhe është përplasur me mbrojtëset anësore të rrugës. Këtu ka ndodhur edhe përplasja fatale për personin që gjeti vdekjen, pasi mbrojtësja ka depërtuar në makinë, duke mos lënë asnjë mundësi për mbijetesë të shoferit.
Grupi hetimor ka mbërritur në vendngjarje dhe po punon për zbardhjen e rrethanave të aksidentit.
