Një aksident me pasojë vdekjen e një 37-vjeçari është regjistruar në orët e para të kësaj të mërkure në Sauk të Vjetër.
Rreth orës 03:30, në Sallën Operative ka mbërritur një telefonatë që sinjalizonte për aksidentin.
Shërbimet e Policisë dhe Ambulanca janë nisur menjëherë drejt vendngjarjes dhe nga veprimet paraprake ka rezultuar se: Tek rreth-rrotullimi, mjeti me drejtues E.D., 25 vjeç, ka aksidentuar shtetasin A.L., 37 vjeç, i cili po kalonte rrugën.
Shtetasi A. L., 37 vjeç ka ndërruar jetë në spital.
Nga ana e Policisë po kryhen veprimet hetimore për të përcaktuar shkaqet e aksidentit, drejtuesi i automjetit shtetasi E.D., 25 vjeç është shoqëruar në Komisariatin e Policisë Nr.1 për veprimet e mëtejshme. /b.d
