Një aksident rrugor me pasojë vdekje është regjistruar sot në mbrëmje në aksin rrugor Shkodër-Koplik, në fshatin Grizhe, Malësi e madhe.
Mjeti tip “Golf” me targë AA 249 DP me drejtues shtetasin Mirsel Rama, 24 vjeç, banues në Malësi të Madhe ka aksidentuar shtetasin këmbësor Shaqir Beqaj, 72 vjeç, banues në Malësi të Madhe, i cili për pasojë ka gjetur vdekjen e menjëhershme.
Drejtuesi i mjetit është shoqëruar në ambjentet e komisariatit të policisë Malësi e Madhe për veprime të mëtejshme.
Në vendngjarje ndodhet grupi hetimor dhe po punon për sqarimin e rrethanave të aksidentit.
