Tre automjete janë përfshirë në një aksident të ndodhur ditën e sotme në autostradën Tiranë-Durrës.
Ngjarja e rëndë ka ndodhur sërish në Sukth, në afërsi të vendit ku dy ditë më parë u qëlluan me breshëri automatiku në një atentat mafioz, dy persona.
Në aksident janë përfshirë një Ford Fiesta, një Mercedes Benz dhe një Ford Focus, të cilët kanë qenë duke udhëtuar në drejtim të Durrësit, shkruan JOQ.
Nuk dihet se nga çfarë është shkaktuar aksidenti, si pasojë e të cilit nuk ka persona të lënduar. Siç mund të shikohet edh nga fotot, automjeti tip Benz që ka qenë në mes, është ai që ka pësuar më shumë dëmtim.
Fatmirësisht është një aksident pa pasoja në njerëz, vetëm me dëmtime materiale. /b.d
