Një aksident rrugor është regjistruar në mesnatë, ku një person ka humbur jetën.
Ngjarja ka ndodhur në aksin rrugor “Shkodër-Lezhë”, ku një makinë ka përplasur një këmbësor, për pasojë ky i fundit ka gjetur vdekjen. Viktima është identifikuar si M. P. 68 vjeç, banues në fshatin Troshan, Lezhë.
Nga ana tjetër, policia ende nuk ka identifikuar shoferin.
“Shkodër/Informacion paraprak
Rreth mesnatës, në aksin rrugor “Shkodër-Lezhë”, një automjet me drejtues ende të paidentifikuar, ka përplasur shtetasin M. P. (këmbësor), 68 vjeç, banues në fshatin Troshan, Lezhë, i cili si pasojë ka humbur jetën.
Grupi hetimor vijon punën për identifikimin dhe arrestimin e drejtuesit të mjetit, si dhe për sqarimin e rrethanave të rastit”, njofton policia.
/a.r
