Një aksident është raportuar në orët e mbrëmjes në Symizë të Maliqit, në Korçë.
Raportohet se një 16-vjeçar u përplas nga makina.
“Më datë 04.10.2020, rreth orës 20:40, në fshatin Symiz, shtetasi E. S., rreth 66 vjeç, banues në Korçë, duke drejtuar mjetin tip “Benz”, ka aksidentuar shtetasin R. J., rreth 16 vjeç, këmbësor në rrugë, i cili aktualisht ndodhet në Spitalin e Korçës nën kujdesin intensiv të mjekëve”, thotë policia.
Drejtuesi i mjetit është larguar nga vendngjarja, por u kap pak minuta më vonë.
Policia është duke punuar për të sqaruar rrethanat e aksidentit.
/a.r
