Tre persona janë plagosur në një aksident pasditen e sotme në fshatin Larushk.
Një makinë tip Benz me targa A AA516 BB në të cilin udhëtonin 3 persona është futur në parakalim në mënyrë të gabuar duke goditur një ‘Opel’ me targa të Korçës e më pas ka humbur kontrollin duke u përplasur me një bordurë betoni jashtë rrugës.
Të plagosur rëndë kanë mbetur; Mevlan Hakorja,Fatjon Hakorja dhe Vullnet Zenja, të tre banues në Tiranës. Të plagosurit janë dërguar me urgjencë në spitalin e Traumës në Tiranë.
Duhet theksuar se ndonëse kjo është një pikë e nxehtë aksidentesh ku ka pasur disa të vdekur, i fundit disa ditë më parë dhe shumë të plagosur, nuk është marrë asnjë masë nga firma e mirëmbajtjes së rrugës apo ARRSH për sinjalistikën dhe ndriçimin. /b.d
