Një aksident ka ndodhur rreth orës 15:40 minuta në Elbasan, ku një minibus me 25 pasagjerë ka dalë nga rruga dhe është përmbysur në aksin rrugor Elbasan-Qerret në fshatin Sericë.
Në vendin e ngjarjes mbërritën dy ambulanca, por fatmirësisht asnjë nga pasagjerët nuk kishte lëndime serioze
Sipas policisë, mjeti me targa AA 146 TK drejtohej nga 48 vjeçari me inicialet A.K. i cili po merret në pyetjet në kuadër të hetimeve për shkaqet e aksidentit.
Terreni ku mjeti ka dalë nga rruga është i vështirë.
“Aksidenti ndodhi në fshatin Sericë ne aksin Elbasan-Qerret, ku një minibus me 25 persona doli nga rruga. Fatmirësisht pa pasoja për jetën e pasagjerëve”, deklaron policia.
NJOFTIMI I POLICISË
Më datë 09.04.2018 në aksin rrugor Xibrakë- Qarret në fshatin Sericë një autobuz pasagjerësh me targa AA 146 TK drejtuar nga shtetasi Ardian Kasnezi, 48 vjeç banues në Elbasan ka dalë nga rruga.
Nuk ka të dëmtuar në njerëz.
Grupi hetimor ndodhet në vendngjarje dhe po punon për përcaktimin e shkaqeve të daljes së mjetit nga rruga.
Ndërkohë, mëngjesin e sotëm, 3 persona humbën jetën nga një aksident i rëndë në Fier.
Dy kushërinj të parë dhe e fejuara e njërit prej tyre, shtetase franceze, humbën jetën teksa po ktheheshin nga një dasmë.
a.ç
