Një aksident rrugor ka ndodhur në aksin e fshatit Çerenec, ku një furgon i drejtuar nga shtetasi 58-vjeçar F. C., në gjendje të dehur, ka dalë nga rruga. Si pasojë, pesë pasagjerë u lënduan, dy prej të cilëve ndodhen në spital, jashtë rrezikut për jetën. Policia Rrugore arrestoi në flagrancë drejtuesin e automjetit për ‘Drejtim i automjeteve në mënyrë të parregullt’ dhe ‘Fshehje të të ardhurave’.
Gjatë veprimeve hetimore, rezultoi se 58-vjeçari ushtronte veprimtarinë e transportit të udhëtarëve, pa qenë i pajisur me licencën përkatëse.
Gjithashtu, shërbimet e Sektorit të Policisë Rrugore referuan materialet në Prokurori, ku nisi procedimi penal ndaj një 16-vjeçari, pasi u kap duke drejtuar motomjet pa leje drejtimi.
Specialistet per Hetimin e Krimeve te Komisariatit tw Policise Diber referuan materialet në Prokurori, ku nisi procedimi penal per shtetasin G.R., 39 vjec, banues ne Peshkopi, pasi teksa prodhonte asafalt në fabriken e tij, makinerite kane çliruar sasi te medha tymi duke ndotur ajrin.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
