Një aksident ka ndodhur mesditën e sotme në rrugën nacionale Berat – Ura Vajgurore pranë vendit të quajtur “dogana” një zonë ku ka pasur aksidente të shpeshta për shkak të mungesës së sinjalistikës.
Burime bëjnë me dije se një fëmijë i moshës 3 vjeç ka mbetur i plagosur për shkak se ishte brenda makinës të tipit “Ford” e cila ka humbur kontrollin dhe është përplasur me barrierën mbrojtëse të rrugës.
I mituri është dërguar në urgjencë në spital për të marrë mjekimin e nevojshëm. Policia ndodhet në vendin e ngjarjes për të zbuluar shkaqet e aksidentit.
/e.d
