Një aksident me dy të plagosur ka ndodhur në autostradën Lushnjë-Rrogozhinë.
Mësohet se një automjet tip “Benz” ka goditur nga mbrapa një kamionçinë të ndaluar në anë të rrugës.
Nga përplasja, drejtuesi i mjetit dhe pasagjeri kanë marrë pësuar lëndime dhe janë transportuar me urgjencë në spitalin e Lushnjes.
Sipas mjekëve, ata ndodhen jashtë rrezikut për jetën. Policia ka shkuar në vendngjarje duke kryer procedurat përkatëse dhe dokumentimin e aksidentit. Sipas të dhënave të para, drejtuesi i Benzit ka humbur kontrollin dhe është përplasur me mjetin e parkuar.
