Një grua 45-vjeçare vjeç ka humbur jetën pasi është përplasur nga një makinë në aksin rrugor Levan – Tepelenë në fshatin Mollaj.
Bëhet me dije se viktima Sanije Dule nga Vlora sapo kishte zbritur nga furgoni me të cilin udhëtonte dhe po kalonte në anën tjetër të rrugës në një kryqëzim kur u aksidentua nga makina tip Benz.
Sipas informacioneve të para, viktima do të shkonte të vizitonte motrën e saj që jeton në fshatin Mollaj të komunës Cakran, por humbi jetën nga përplasja fatale që i shkaktoi makina.
Gruaja 45-vjeçare ndërroi jetë menjëherë dhe trupi i saj u dërgua në morg për t’u tërhequr nga familjarët.
Policia ndaloi Eugent Shahinajn 30 vjeç, drejtuesi i makinës tip Benz me targa AA 066 IB që shkaktoi aksidentin dhe e shoqëroi në komisariat.
