Një aksident ka ndodhur ditën e sotme në Tiranë. Mësohet se aksidenti ka ndodhur në orën 11:00, në afërsi të ‘Universitetit të Sporteve’ në Tiranë. Drejtuesi i mjetit me inicialet G.K, është përplasur me një mjet tjetër.
Për pasojë kanë mbetur të plagosur 4 persona, të gjithë të moshave të reja të cilët janë transportuar në spital jashtë rrezikut për jetën. ‘JOQ’ ka ndarë pamjet e aksidentit, ku shihet i riu i cili shkelmon me këmbë një nga mjetet.
NJOFTIMI I POLICISË:
Me datë 16.12.2021, rreth orës 11:00, në afërsi të “Universitetit të Sporteve”, janë përfshirë në një aksident mjeti me drejtues shtetasin G. K., me mjetin me drejtues shtetasin E. B. Si pasojë e aksidentit janë dëmtuar pasagjerët e mjeteve, shtetasja E. P., 18 vjeçe; D. D., 19 vjeç; G. T., 19 vjeç dhe kembësorja shtetasja A. B., 19 vjeçe, të cilët ndodhen në spital, jashtë rrezikut për jetën. Grupi hetimor ndodhet në vendngjarje dhe po punon për sqarimin e rrethanave të aksidentit.
/b.h
