Një aksident tragjik ka ndodhur në Tepelenë pasditen e së enjtes me pasojë dy të vdekur. Ngjarja e rëndë ndodhi në aksin rrugor Tepelenë-Kras, në vendin e quajtur Mogila.
Një automjet ka dalë nga rruga, e për pasojë, dy persona që udhëtonin në të kanë humbur jetën. Sipas policisë, në aksident kanë humbur jetën shtetasit Syrja Sina dhe Luan Bilbili.
Ndërkohë i plagosur ka mbetur dhe një person i tretë që udhëtonte së bashku me ta, shtetasi Erjon Sinani.
Policia ka mbërritur në vendngjarje dhe po punon për zbardhjen e shkaqeve të aksidentit tragjik.
Paraprakisht dyshohet se shkak i aksidentit është bërë humbja e kontrollit të mjetit si pasojë e ndonjë manovre të gabuar nga drejtuesi i mjetit. Nga të dhënat paraprake, raportohet se drejtuesi i mjetit shmangu një kafshë në rrugë duke humbur kontrollin./a.m.
