Një 35-vjeçare ka ndërruar jetë në spital pasi u përplas nga një automjet në rrugën dytësore Tiranë-Durrës.
Policia bën me dije se sot është vënë në pranga shoferi, një 27-vjeçar, ndërsa vijojnë punimet për sqarimin e rrethanave.
Njoftimi i policisë:
Specialistët e Komisariatit të Policisë Rrugore arrestuan shtetasin O. B., 27 vjeç, banues në Tiranë, pasi ditën e djeshme, në rrugën dytësore Tiranë-Durrës, ka aksidentuar shtetasen M. S., 35 vjeçe, e cila si pasojë është dëmtuar dhe ka ndërruar jetë më pas, në spital.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./f.s
