Një aksident ka ndodhur në superstradën Lezhë-Laç, pranë kryqëzimit të Milotit. Sipas informacioneve të para të policisë, mësohet se në aksident janë përfshirë 3 automjete dhe si pasojë kanë mbetur të plagosur 5 persona.
“Më datë 17.06.2018, rreth orës 17:20, në Fushë Milot, ka ndodhur një aksident automobilistik ku janë përfshirë 3 mjete, konkretisht mjeti tip Benz me drejtues shtetasin B.D., mjeti tip Suzuki me drejtues shtetasin M.K. dhe mjeti tip Volkswagen me drejtues shtetasin I.T.
Për pasojë janë lënduar 5 shtetas, pasagjerë në mjetët e përfshira në aksident të cilët janë dërguar në spital ku ndodhen nën kujdesin e mjekëve“, sqaroi policia.
Policia Rrugore në vendngjarje po menaxhon trafikun e krijuar nga bllokimi i rrugës nga aksidenti.
Ndërkohë që edhe në aksin Prrenjas-Librazhd në fshatin Katjel u përplasën dy makina.
Sipas policisë, një 65 vjeçar banues në Velçan të Pogradecit duke drejtuar mjetin tip “Benz” me targa AA475GR, është përplasur me mjetin me targa AA 316LN me drejtues një 40-vjeçar nga Katjeli.
a.ç
