Një aksident masiv ka ndodhur në qytetin e Fierit, ku si pasojë janë përplasur 4 automjete, ndërsa i plagosur ka mbetur një person që po udhëtonte me biçikletë.
Ngjarja ka ndodhur në rrugën “Ramiz Aranitasi” të qytetit.
Sipas policisë në aksident janë përfshirë tre automjete Benz dhe një Toyota.
Njëra prej makinave “Benz” me targa AA 821 NI i preu rrugën një tjetër makinë me targa AA 710 GC. Ky i fundit ka devijuar duke kaluar në krahun tjetër të rrugës, duke përplasur një person që po udhëtonte me biçikletë.
Ndërsa dy makinat e tjera ishin të parkuara.
I plagosuri u dërgua në spital për ndihmë mjekësore.
Policia po punon për zbardhjen e rrethanave të ngjarjes.
g.kosovari
