Një aksident me një bilancë të rëndë ka ndodhur sot në Fier. Policia sqaron se në aksin rrugor Fier-Seman, në Fermë-Çlirim, janë përplasur automjetet tip “Benz” dhe “Volkswagen”.
Mjetet drejtoheshin nga I. I., 16 vjeç, dhe 61-vjeçari V. H., të cilët janë plagosur. Po ashtu bëhet me dije se të plagosur kanë mbetur dhe 4 pasagjerët që ndodheshin në të dy mjetet dhe janë dërguar në spital.
Lidhur me këtë aksident është ngritur një grup hetimor që ndodhet në vendngjarje dhe po punon për zbardhjen e rrethanave të aksidentit.
/a.r
