Një aksident është regjistruar mëngjesin e sotëm në aksin Shkodër-Koplik, ku për pasojë ka humbur jetën një person. Me një njoftim për mediat, Policia bën me dije se ngjarja ka ndodhur rreth orës 08:45, në rrugën e fshatit Omaraj, Malësi e Madhe, ku në aksident janë përfshirë tre automjete.
Përplasja ka qenë shumë e fortë ku, siç duket edhe nga pamjet, dy nga automjetet e përfshirë në aksident janë shkatërruar thuajse tërësisht.
Identiteti i viktimës nuk bëhet ende me dije, ndërsa policia ka shkuar në vendngjarje për të zbardhur shkaqet e aksidentit.
“Më datë 18.05.2021, rreth orës 08:45, në rrugën e fshatit Omaraj, Malësi e Madhe, ka ndodhur një aksident rrugor ku janë përfshirë tre mjete.
Si pasojë e aksidentit një person ka ndërruar jetë, identiteti të cilit nuk dihet akoma. Veprimet po kryhen me grup hetimor për sqarimin e rrethanave të aksidentit”, njofton policia.
g.kosovari
