Një aksident i rëndë me pasojë vdekjen e një personi ndodhi sot në Kavajë.
Shërbimet e policisë Kavajë, arrestuan në flagrancë shkaktarin e aksidentit, shtetasin Soren Veshaj, 28 vjeç, banues në Vlorë.
Arrestimi i këtij shtetasi u bë pasi, në rrugën “Durrës-Rogozhinë” në vendin e quajtur “Mbikalimi Vorrezave”, duke drejtuar mjetin tip Mercedes, është përplasur në pjesën e mbrapme të mjetit tip “Iveco” me drejtues shtetasin B. Xh., 49 vjeç, i cili kishte ndaluar në rrugën kryesore.
Nga përplasja e mjeteve ka gjetur vdekjen shtetasi: – Xh. Xh., 24 vjeç, banues në Vlorë, pasagjer në mjetin tip “Mercedes”, drejtuar nga i arrestuari. Materialet u referuan në Prokurorinë e Rrethit Gjyqësor Tiranë, në ngarkim të shtetasit S. V., për veprën penale “Shkelja e rregullave të qarkullimit rrugor”, parashikuar nga neni 290 i Kodit Penal./a.m.
