Qeveria ka akorduar një fond prej 10 milionë Euro për blerje karburanti për të gjitha Ministritë, përfshirë edhe institucionet e varësisë. Ministria e Brendshme është caktuar si organ prokurues për tenderin që do të zhvillohet më 18 prill në orën 11:00.
Gazeta ‘Shqip’ ka publikuar fondet që janë parashikuar për çdo institucion.
Kështu, Kryeministria do të marrë 136 milionë Lekë të vjetra, Ministria e Bujqësisë 83 milionë Lekë, Ministria e Energjetikës 47 milionë Lekë, Ministria e Ekonomisë 30 milionë Lekë, Ministria e Drejtësisë 20 milionë Lekë, Ministria e Financave 28 milionë Lekë, Ministria e Jashtëm 75 milionë Lekë, Ministria e Transporteve 42 milionë Lekë, Ministria e Mjedisit 50 milionë Lekë, Ministria e Mirëqenies Sociale 54 milionë Lekë dhe Ministria e Kulturës 12 milionë Lekë. Kurse spitali ‘Nënë Tereza’ do të përfitojë 400 milionë Lekë karburant, IKMT 124 milionë Lekë dhe 1.1 miliardë Lekë do të përfitojë hekurudha shqiptare.
