Akademiku shqiptar Nazim Gruda zgjidhet zëvendëskryetar i Akademisë së Shkencave Bujqësore dhe Pyjore të Europës.
Lajmi është bërë i ditur nga Akademia e Shkencave të Shqipërisë, në një postim në rrjetin social Facebook, ku theksohet se Gruda do të qendrojë në detyrë për dy vite.
Zgjedhja e tij në këtë detyrë u bë në takimin e 12 të Asamblesë së Përgjithshme të Unionit të Akademive Europiane për Shkencën e Aplikuar në Bujqësi, Ushqim dhe Natyrë (UEAA), ku u mbajt dhe simpoziumi shkencor shoqërues në datat 10-11 tetor 2024 në Bukuresht.
Postimi i plotë:
Akademiku shqiptar Nazim Gruda zgjidhet zëvendëskryetar i Akademisë së Shkencave Bujqësore dhe Pyjore të Europës
-Kryesia e Akademisë së Shkencave të Shqipërisë e përgëzon akad. Grudën për suksesin e arritur-
#AShSh
#UEAA
#NazimGruda
Akad. Nazim Gruda është zgjedhur zëvendëskryetar i Akademisë së Shkencave Bujqësore dhe Pyjore të Europës. Zgjedhja e tij në këtë detyrë u bë në takimin XII të Asamblesë së Përgjithshme të Unionit të Akademive Europiane për Shkencën e Aplikuar në Bujqësi, Ushqim dhe Natyrë (UEAA), ku u mbajt dhe simpoziumi shkencor shoqërues në datat 10-11 tetor 2024 në Bukuresht, Rumani.
Në certifikatën e firmosur nga kryetari i UEAA, prof.dr. Joan Jelev, cilësohet se akad. Gruda do të qëndrojë në këtë pozicion drejtues për dy vjet.
Akad. Nazim Gruda është anëtar i Akademisë së Shkencave të Shqipërisë. Ai është një nga specialistët dhe shkencëtarët më të shquar në fushën e hortikulturës në Shqipëri dhe në Europë.
Po këtu në Shqipëri për Çfarë shquhet ?
Çfarë ka bërë ?
Mungon informacioni.
Ndjesë, por nuk kemi informacion.
Gjithsesi, urime dhe krenar që më në fund kemi një shkencëtar shqiptar me emër në Europë.
Nje djal I mbrekullushem,ne 1990 iku refugjat ne gjermsni dhr punoi si bacevsn tek university ti bujqesor prane Munchen ,studioi dhe arriving ketu