Kryeministri Edi Rama ka zhvilluar një vizitë në kantierin e Kampusit të Ri të Akademisë së Forcave së Armatosura. Rama shprehet se është një investim i shtrirë në një hapësirë prej 10 hektarësh dhe i konceptuar sipas modelit të akademisë prestigjioze amerikane të “West Point”.
Gjithashtu nënvizon se “ky investim do të ofrojë gjithçka bashkëkohore që nga godina mësimore, konvikti, qendra shëndetësore, kinemaja, palestra, pishina e mbyllur, terrenet sportive dhe ato të stërvitjes ushtarake në natyrë, si poligonet, pista e vrapit, kulla e alpinizmit”.
“I konsideruar sipas standardeve më të larta të NATO-s, Kampusi i Ri do të ofrojë gjithçka bashkëkohore që nga godina mësimore, konvikti, qendra shëndetësore, kinemaja, palestra, pishina e mbyllur, terrenet sportive dhe ato të stërvitjes ushtarake në natyrë, si poligonet, pista e vrapit, kulla e alpinizmit. Akademia e re do të ketë si fillim 300 studentë dhe degë të reja, përfshirë dhe inteligjencën artificiale, ku do të ketë diploma të përbashkëta me Universitetin Politeknik në degë të caktuara, por dhe binjakëzime me Akademitë e vendeve aleate të NATO-s”, thotë më tej Rama.
