“Ajo që u bë, u bë”/ I braktisur nga familjarët lihet në burg 37-vjeçari që vrau babain në Mallakastër

Gjykata ka dhënë masën “arrest në burg” për 37-vjeçarin Mariglen Muhametaj, i cili vrau babain e tij në fshatin Greshicë të Mallakastrës.

Mësohet se ai nuk ka shfaqur pendesë në sallën e gjyqit, ndërsa siç ka treguar edhe avokati i caktuar nga gjykata, ai nuk ka qarë për krimin e rëndë, ndërsa ka thënë se “ajo që u bë, u bë”,

Ngjarja e rëndë ndodhi mbrëmjen e 25 gushtit, kur Margilen Muhametaj qëlloi babain e tij me sende të forta, duke e lënë të vdekur në vend. Pas disa orësh arrati, ai u arrestua nga policia.

I vetëm dhe i braktisur nga familjarët, 37-vjeçari mbërriti rreth orës 08:30 në ambientet e gjykatës së Fierit i rrethuar dhe nga forca të shumta sigurie.

g.kosovari