Kryeministri Edi Rama ka shpërndarë lajmin për rikthimin e ndëryrjeve kirurgjikale për tiroiden në spitalin e Korçës pas shumë vitesh. Kjo është pjesë e sistemit të patronazhit të spitaleve të retheve nga ato të Tiranës. Dy mjekë të njohur kanë realizuar ndërhyrjen në Korçë.
STATUSI I PLOTE
Po ndodh tani! Sistemi i patronazhit për spitalet rajonale dhe bashkiake 👉Kirurgu i njohur prof. Etmond Çeliku, shef i shërbimit të kirurgjisë dhe prof. Ilir Ohri, shef i shërbimit anestezi-reanimacionit në #QSUT po kryejnë një ndërhyrje kirurgjikale të gjendrës tiroide apo siç njihet operacioni i strumës në spitalin rajonal të Korçës, ndërhyrje që nuk kryhej prej vitesh në këtë spital.
#Shërbime afër qytetarit dhe me cilësi si edhe #Trajnim i mjekëve të spitalit të Korçës për të kryer ndërhyrje komplekse
Prej dy ditësh janë stacionuar në spitalin rajonal të Korcës neurolog, kardiolog dhe nefrolog nga QSUT. Patronazhi vijon prej ditës së djeshme dhe në Vlorë, Kukës, Gjirokaster dhe Burrel. Plani i shpërndarjes së mjekëve të specializuar do të vijojë të mbulojë mbi baza ditore nevojat për specialistë nga spitalet universitare në të gjitha spitalet rajonale e bashkiake duke u mbështetur njëkohësisht edhe me paketën e miratuar të stimujve financiarë #PërShëndetësinëQëDuam/a.m.
