Mbrëmjen e djeshme është arrestuar autori i vrasjes së 43-vjeçares në Salaminë të Greqisë.
Autori i dyshuar i krimit 71-vjeç u arrestua në zonën e Keratsinit. Ai ka rrëfyer para policisë së e kreu krimin pasi ishte çmendur nga xhelozia.
“Ajo kishte lidhje me një tjetër, unë e mora vesh dhe u çmenda nga xhelozia dhe vendosa ta vrisja”, është shprehur 71-vjeçari para policisë.
Krimi i rëndë ndodhi mëngjesin e së martës, ndërsa 43-vjeçarja ndodhej në banesën e prindërve, pasi më herët kishte marrë urdhër mbrojtjeje pasi ishte dhunuar nga 71-vjeçari.
I moshuari ka shkuar në banesën ku jetonte 43-vjeçarja dhe e ka qëlluar me armë karabinë nga oborri i banesës, dhe pas krimit e ka mbuluar trupin e viktimës me çarçaf.
/a.r
