Deputeti socialist, Damian Gjiknuri mohoi të ketë kërcënuar deputetin e opozitës parlamentare, Halit Valteri.
Gjiknuri nuk dha sqarime as për debatin e zhvilluar përpara ndërtesës së Parlamentit, duke theksuar se sot është një ditë e rëndësishme për
“Është fatkeqësi që të bëjmë histori gjëra që janë krejt ordinere. Çdo gjë tjetër është insinuata e njerëzve që janë aksidente historike thjesht për t’i dhënë rëndësi vetes. Pse duhet ta kërcënoj?! Deputetët edhe komunikojnë. Valteri ta gjejë veten. Nuk jam këtu të merrem me Valterin. Unë nuk e di çfarë qëndrimesh ka ai. Më vjen keq që debati për ligjin që të kalojë në çështje personale. Kush është në politikë ka akuza personale. Nuk merrem unë çfarë i thashë dhe çfarë më tha. Disa njerëz janë mërzitur me ndryshimet në Kodin Zgjedhor”- tha ai.
I pyetur për denoncimin e Valterit sipas të cilit disa deputetë janë blerë, Gjiknurit tha shkurtimisht: “T’i denoncojë po i ka”.
Më herët, deputeti Halit Valteri tentoi të përplasej jashtë ambienteve të Kuvendit me Damian Gjiknurin. Valteri iu afrua i nxehur, Gjiknurit teksa ndodhej jashtë parlamentit, duke e prekur me duar. Në këtë moment ka ndërhyrë Garda e Republikës për të mos lejuar përplasjen fizike.
g.kosovari
