Komisioni i Ekonomisë, po diskuton dekretin e presidentit Meta, i cili riktheu për rishqyrtim buxhetin 2019.
Kreu i shtetit e riktheu buxhetin me argumentin se shumica duhet të plotësojë kërkesat e studentëve, që janë ngritur në protestë prej 15 ditësh
Ministri Arben Ahmetaj, deklaroi se presidenti duhej të bente thirrje per dialog, dhe jo te kthente buxhetin. Sipas Ahmetajt, buxheti aktual, ploteson te gjitha kerkesat e studenteve, por duhet te nise diaogu.
“Besoj që një kontribut më i madh sesa të kthehesh buxhetin, që është i furnizuar me të gjitha shumat për arsimin e lartë, do të ishte që të kërkonte edhe ai dialog mes studentëve dhe qeverisë. Në aspektin kushtetues dhe financiar, buxheti 2019 i ka të gjitha mundësitë të adresoje kërkesat e studentëve. Në aspektin e dekretit, ka një kthyerje mbrapsht për kthyerje për rishqyrtim të buxhetit për 2019, pa asnjë adresim real. Praktikisht buxheti është kthyer në parim. Qeveria është e gatshme për dialog me studentët. Qeveria dhe maxhoranca janë aleatët e vetëm të studentëve. E mendoj një hap normal rrëzimin e dekretit të presidentit. Lutja për dialog e zgjidh realisht problem, cdo refuzim apo ndihmë për refuzim, është tradhti ndaj kauzës së studentëve. Presidenti të kërkonte dialog. Buxheti ka instrumentet, dinamikat dhe shumën për të plotësuar kërkesat e studentëve”, deklaroi Ahmetaj
Javanews/a.çupaj
