“Partneritet publik-privat” ka qenë tema e konferencës ku marrin pjesë përfaqësues të USAID dhe dy ministrat e linjës së sektorit ekonomik. Të pranishëm në këtë takim kanë qenë ministri i Financave, Arben Ahmetaj si dhe ministrja e Ekonomisë, Milva Ekonomi.
Gjatë fjalës së tij ministri Ahmetaj duke sjell në vëmendje disa shembuj nga praktika, partneriteti me privatin ofron shërbim cilësor. Nga ana tjetër, Ahmetaj theksoi se Ministria e financave është gardian i kuadrit fiskal.
“Qeveria Rama e ka kaluar këtë instrument të ligjit në një nivel tjetër, pasi partneriteti publik-privat është vlera për paranë. Afrimi i shërbimit me më shumë cilësi dhe me pak kosto, e lënë si shembull në 4-5 koncesione, sidomos ato të shëndetësisë. Dializa në Shqipëri ka pasur gjithmonë koston e vetë, dhe shumë kush e di sesa e vështirë ka qenë ky shërbim. Ka përfunduar deri aty ku janë krijuar detyrime të prapambetura të këtij shërbimi. Ministria e Ekonomisë nuk është autoritet kontraktual, por është promouvese. Ministria e Financave është që të jetë gardian i kuadrit fiskal, ndaj monitorohen se çfarë risqesh kanosen”, tha Ahmetaj.
BW
