Ministri i Shtetit për Rindërtimin, Arben Ahmetaj ka inspektuar sot nga afër kanterin e shtëpive që rindërtohen në Golem, një nga zonat më të prekura nga tërmeti i 26 nëntorit.
Gjatë inspektimit Ahmetaj u shpreh se familjet që kanë humbur shtëpinë në 26 nëntor, do ta festojnë Vitin e Ri në shtëpitë e tyre të reja.
“Deri në fund të këtij viti, një pjesë e familjeve që kanë humbur shtëpisë në 26 nëntor, do të futen në shtëpitë e tyre. Do të festojnë Vitin e Ri në shtëpitë e tyre të reja.
Po vijojmë me shkollat. Me pallatet, do të hapim themelet në fund të shtatorit ose në tetor. Maxhoranca fokusohet tek rindërtimi, nuk është kusht, por ditë pune”, tha Ahmetaj.
Puna për rindërtimin e banesave individuale ka nisur paralelisht edhe në njësitë e tjera,
Luz, Helmas, Synej dhe në qytetin e Kavajës, ndërsa vijojnë me ritme të shpejta punimet për rindërtimin e infrastrukturës në dy zonat e reja zhvillimore, Kavajë dhe Golem, ku në fund të shtatorit do të hidhen edhe themelet e ndërtimit të pallateve të reja për afro 400 familje.
/e.rr
