Ministri i Financave, Arben Ahmetaj, deklaron se në kuadër të fazës së dytë kundër informalitetit, ka një qasje te re ne komunikimin e administrates tatimore me sipërmarrjen.
Ministri i Financave, Ahmetaj, nëpërmjet një postimi në statusin e tij Facebook pasditen e të hënës shprehet: “Nje qasje e re ne komunikimin e administrates tatimore me sipërmarrjen. Në kuadër të fazës së dytë kundër informalitetit, administrata tatimore ka nisur komunikimin intenisv me mbi 150 mijë biznese përmes sistemit të tatimeve dhe me mbi 88 mijë të tjerë edhe përmes adresave elektronike, për t’i alertuar mbi riskun e evidentuar në sistem dhe këshilluar mbi hapat që duhet të ndërmarrin për vetëkorrigjim. Informaliteti është betejë e përbashkët, qe fitohet vetëm me sensibilizim dhe bashkëpunim”.
“Ministria e Financave, Administrata Tatimore dhe ajo Doganore, janë në shërbim të sipërmarrjes në çdo kohë. Kemi hapur një kapitull të ri, të standardizuar, në komunikimin me biznesin dhe shumë shpejt do t’i japim një profil të ri shërbimit ndaj tatimpaguesve në të gjithë vendin”, shprehet Ahmetaj.
