Ministri i Financave, Arben Ahmetaj deklaroi të enjten në seancën plenare të Kuvendit se Partia Socialiste ka rilindur vet dhe ka rilindur edhe ekonominë.
Duke replikuar me deputetin Ben Blushi i cili akuzoi se PS ka dështuar të qeverisë vendin, Ahmetaj tha se kjo maxhorancë ka ndërmarrë një sërë reformash si atë të pensioneve, makroekonomike, reformën në rendin publik, energji, arsim, shëndetësi, etj.
“Aftësia qëndron tek bërja ose jo e reformave. Reformat që ne ndërmorëm bëjnë diferencën”, deklaroi Ahmetaj.
Të gjitha reformat e ndërmarra, tha ai, nuk i kemi bërë në interesin tonë, por në interesin publik.
Ai i ndal në disa nga treguesit kryesorë të ekonomisë si punësimi, borxhi, investimet apo konsumi, që sipas tij janë përmirësuar. (javanews.al / a.r)
